 |
 |
Nuntius Magicus - Der Magische Bote |
Iats ischs still gworn im eisigen Norden,.....iats ischs still
44. Woche des 2. Jahres  Mir schreibn die 44 Woch im zwotn Johr.
In den Derfern und Landln rund um herscht a gwurln und werkn.
Olle Nordmander, ober kloan goas, olt oder jung mochen sig auf.
Auf auf di longe reise richtung Thjar, auf´dr flucht foar die Ozwickten mit denen Bestien de se do mitbrocht hoben, und schua Bluatlechzend von Oschtn her kemman.
Scho sein alle in der groasen Bucht versammlt und auf´t Boote un´d Schiff verfrochtet, do erklimmt dar Oltwaiseschte und Gschichtsschreiber Knud no a letschtes mol die hoameligen Higl.
Er schnauft tiaf, als er oben o´kimmt.
Sei Blick schweift noa a letschtes mol über sei gliebts Lond.
Laut fongt er donn gen weschtn zu ruafn:
Fridlig und ruig homma glebt in unsre koltn, ober geliebten Darflen und Städt.......
Ollaweil freindlig wor ma zu die Leit, auser wens die Unsren bedroht homm........
Nix als wia in ruhe inser Leben leben woltn mir do oben im Norden.......
Ober na, des geat jo nit es BESCHTIEN......miast jo olle glei oschlochtn de eich im weg sein !!!........ *Bitter wird sein Gesicht* VERFLUACHT selln sein de Landln, VERFLUACHT auf EWIG !!! und jeder der sig do niederlosst und nit a Nordmonn isch sellt ELENDIGLICH KREPIEN !!!! *mit einigen Handbewegungen und Zauberformeln versucht er den Fluch über das land zu bringen*
Er drant sig um und geat a boor schritt obi, wo er sig an kloan Reisighaufn zrechtglegt hot,
welchn er iats mit zwoa Feierstianer entzündet.
Kurz dra sigt ma iberoll auf di Berg drobn a leichten.
Und als des letschte gonz im Oschtn aufflackert, fongt ma on die Hearner zhern, zersch lei gonz leise, donn immer lauter und fu iberoll her hert ma se schollen.
Zum schluss, es isch schu beim dunklwern, geat a gwalltiges Raunen ibers Lond,
Des weit über´t Grenzn zhern isch.....................
.........................................................................................................................
Des letschte Raunen der Hörner des Nordens.....................................................
........................................................................................................................
Donn sigt me leimia wie´d Schiff longsom auslaffn und im Nebl in olle Richtungen
dafusegln.
Iats ischs still gworn im eisigen Norden,.....iats ischs still
Nebelreich
|
|
